Sabina Musliu, anëtare e Institutit Nexus, mori pjesë në Konferencën Evropiane për Terapi Ekzistenciale në Romë, ku prezantoi një studim të përbashkët me kolegë nga universitetet Utah, Denver dhe Adelphi (SHBA). Projekti paraqiti një qasje të re ndaj ankthit ekzistencial, duke theksuar edhe ndikimin e kulturës në përjetimin njerëzor.
Krahas prezantimit, Sabina pati mundësinë të takojë figura të njohura të fushës dhe të krijojë bashkëpunime me profesionistë nga vende të ndryshme—një përvojë e vlefshme dhe një hap i parë i rëndësishëm për zhvillimin e kërkimit brenda Institutit Nexus.
Kjo pjesëmarrje përforcon përkushtimin tonë për bashkëpunime ndërkombëtare si dhe për kultivimin e mendimit kritik dhe kërkimit shkencor në fusha me ndikim të thellë njerëzor.
